Менскі гурт Tok Rukoo 23 лістапада прэзэнтаваў свой новы кліп «Big Lies». Tok Rukoo — самы эклектычны ў жанравым сэнсе сэкстэт, вядомы яркімі жывымі выступамі. Апроч інтрыгоўнага відэашэрагу музыканты таксама прапануюць загрузіць аднайменны сынгл са свайго абноўленага сайту.

У паўзмрочным з-за слабога асьвятленьня і напаўпустым клюбе Bronx, упрыгожаным да дня Сьвятога Валянціна сэрцамі і анёлкамі, 13 лютага прайшоў завяршальны, апошні галя-канцэрт конкурсу «Залатая акустыка». За плячыма конкурсу «залатой і якаснай музыкі» 22 канцэрты, выступы 22 гуртоў, хваляваньні, клопаты, сяброўства і канкурэнцыя.

Перамогу ў фэсьце і прыз у выглядзе здымак кліпу атрымалі «ДзеціДзяцей». Яшчэ пяць гуртоў атрымалі зьніжкі на запіс ці грашовыя ўзнагароды, якія некаторыя ўжо зьбіраюцца патраціць на «адкупленьне ад разьмеркаваньня».