У Менску выступілі вядомыя польскія рокеры — гурт Myslovitz. Канцэрт польскай зоркі прайшоў у межах адноўленага Пітам Паўлавым фэстывалю «ЖывыГукON-line». Myslovitz наведалі Менск упершыню, аднак канцэрт шырока не анансаваўся і выступ прайшоў ва ўтульнай атмасфэры ў клюбе «Рэактар» пры падтрымцы беларускіх гуртоў «Глебстеры» і «Garadzkija». Фотарэпартажы з фэсту — у нашым фотаблогу.

3-га сьнежня ў межах сэрыі канцэртаў праекту «ЖывыГукON-line» упершыню ў Беларусі адбудзецца выступ легендарнага польскага гурта Myslovitz. Нягледзячы на блізасьць Беларусі і Польшчы, мы даволі мала знаёмыя з музыкай суседняй краіны. Запрашаючы гурт Myslovitz, ідэйны кіраўнік праекту «ЖывыГукON-line» і вядомы беларускі музыка Піт Паўлаў жадае паказаць актуальную і папулярную польскую музыку, якая нічым ня горшая за расійскую ці ўкраінскую, якую даволі часта можна пачуць на канцэртах у Беларусі.