Падаецца, збываецца прароцтва Ўладзіміра Пугача, які яшчэ на пачатку стагодзьдзя сьпяваў пра «чароўныя сайты», на якіх былі б усе адказы. За апошнія гады Сеціва нарыхтавала гэтыя адказы, засталося толькі сабраць іх у адным месцы.

Гэтым і зоймуцца нядаўна прэзэнтаваныя канкурэнты лідэра інтэрнэт-пошуку Google. Гэта «вырашальнік» Bing ад Microsoft і матэматычны разумнік Wolfram Alpha. Экспэрты загаварылі пра новае пакаленьне пашукавікоў, а простыя карыстальнікі зьвярнуліся зь вечнымі пытаньнямі да сэрвісаў.