Па загаду Туркменбашы Сапармурата Ніязава, усе дыплёмы замежных ВНУ, атрыманыя за апошнія 10 год, прызнаныя несапраўднымі.

З сёлетнега году ў Туркмэніі амаль немагчыма атрымаць вышэйшую адукацыю. Прынамсі гэта задавальненьне даступнае толькі абраным. У адпаведнасьці зь ліпеньскім загадам прэзыдэнта Сапармурата Ніязава выпускнікі школ павінны спачатку ня менш за два гады адпрацаваць па абранай імі спэцыяльнасьці, а пасьля паспрабаваць атрымаць адпаведную адукацыю.