Жыхары Тайланду выкарыстоўваюць жэсты з кіно «Галодныя гульні» пад час пратэстаў супраць вайсковай хунты, якая захапіла ў краіне ўладу ўвесну 2014 году.

Думкі пра пераезд узьнікалі ў нас даволі даўно, бо кожная зіма ў беларускім клімаце давалася нам надзвычай цяжка. Таму адным прыўкрасным днём мы раздалі сваё майно сябрам, пакінуўшы па адным заплечніку, і пераехалі ў Тайланд, каб болей не глядзець на сумныя зімнія менскія дрэвы. Як слушна сказаў тады мой бацька, «у нашую хату, бервяном падпёртую, мы заўсёды пасьпеем вярнуцца». Цяпер навокал нас трапічны лес, які нават днём шуміць грамчэй за матор матацыкла, пад гарою, на якой стаіць наш дом, пачынаецца мора, а за пераправаю ляжыць вялізная, загадкавая Азія.