Дні культуры Швэцыі ў Беларусі распачаліся 17 траўня з прэзэнтацыі кнігі «Швэды ў гісторыі й культуры беларусаў» Андрэя Катлярчука. Перад тым, як на сцэне тэатру Зьніч, што ў Чырвоным касьцёле ў Менску, непасрэдна зьявіўся сам аўтар, у «падарожжа» па сярэднявеччу гасьцей запрасіў гурт Стары Ольса. Прадмову зрабіў Стэфан Эрыксан – консул Швэцыі ў Беларусі, шырока вядомы, між іншым, сваім цудоўным веданьнем беларускай мовы.