У гэтыя дні Эўрапейскі гуманітарны ўнівэрсытэт адзначае 20-годзьдзе з часу заснаваньня. На афіцыйных мерапрыемствах унівэрсытэт вітаюць вышэйшыя чыноўнікі краін Эўразьвязу, а амэрыканскія ўрадоўцы робяць заявы аб вылучэньні новага фінансаваньня.

Эўрапейскаму гуманітарнаму ўнівэрсытэту ўжо абяцаная дадатковая фінансавая падтрымка заходніх донараў у сувязі зь беларускімі пасьлявыбарчымі пратэстамі. ЭГУ у сваю чаргу заявіў аб гатоўнасьці прыняць адлічаных зь беларускіх ВНУ студэнтаў. Агульная іх колькасьць, па дадзеных унівэрсытэту, можа дасягаць 200 чалавек.