Фотарэпартаж са здымак кліпаў да 11 песень з новага музычнага праекту ў стылі 60-х
У Менску прайшлі здымкі кліпаў да новага музычнага праекту ў стылі 60-х, аўтарам песень якога выступіў Лявон Вольскі.
Лідэр «Безь Білета» Віталь Артыст паўстаў у праекце ў вобразе Джэймса Бонда з аднайменнай песьняй.
Актор Алег Гарбуз сьпявае «Дзякуй табе»
Акторка Сьвятлана Зелянкоўская, салістка «Тарпача» і рок-князёўна Вольга Самусік, салістка «Зьмяі» Зоя Каральчук выконваюць песьню «Ведзьмы» пра нялёгкую долю вядзьмарак у сучасным грамадзтве.
Удзельнікі зорнай каманды КВЗ БДУ Андрэй Дзяркоў і Марына Грыцук сьпяваюць «Ягуара» пра каханьне.
«Мой капітан» у выкананьні Ганны Хітрык — сьпеў пра карабель каханьня, які загінуў у суровых хвалях жыцьця.
Грозныя, што й не адразу пазнаць, Павал Булатнікаў і Лявон Вольскі ў вобразе Чэ Гевары выконваюць «Герояў» у стылі 
Маладыя менскія панк-рокеры Anyway! зь лідэрам Юрам Белазорам скардзяцца ў сьпеве, што «нічога не пасьпяваюць». Асабліва спадабаецца аматарам аўтобусу № 100 ;)
«Суворы тата» — Сьвета Зелянкоўская пяе пра бацьку, які забараняў ёй хадзіць на дыскатэкі, паліць і выпіваць, але дамогся адно адваротнага эфэкту.
Дапамагаюць Сьвятлане стылёвыя NRM.
Усе ўдзельнікі здымак - у яркіх вобразах 60-х гадоў.
Песьня «Рыкша» — Алег Хаменка і Каця Пытлева апавядаюць пра нялёгкае жыцьцё ў дарэвалюцыйным Кітаі і пазытыўныя зьмены ў гэтай краіне. 
Стылёвыя Лявон Вольскі і Ўладзімір Пугач завяраюць у сьпеве, што «такога няма нідзе».
Руся і Андрэй Такінданг з драйвавай песьняй «Гэты час».
У нязвыклым вобразе зьявіўся на сцэне і дырэктар гуказапісвальнай студыі «Селах» Андрэй Баброўка.
Чытайце таксама падрабязьней пра новы супольны музычны праект у стылі 60-х, а таксама глядзіце фотарэпартажы з аднаго працоўнага дня новага супольнага музычнага праекту ў стылі 60-х на гуказапісвальнай студыі , а таксама пра тое, што адбывалася па-за здымачнай пляцоўкай у ноч здымак кліпаў да праекту.
Аўтар фота Юра Сідун