60-я inside: атмасфэра ў часе здымкаў кліпаў да новага музычнага рэтра-праекту
Фотарэпартаж з падзеяў па-за здымачнай пляцоўкай начных здымак кліпаў да новага музычнага праекту ў стылі 60-х.
Здымацца — адказная справа, грыміруюцца нават хлопцы.
Экскурс у характэрныя 60-м танцы: ніякіх сучасных актыўных рухаў сьцёгнамі, таньчым усім целам і ўсьміхаемся :)
У каго няма «бітлоўскай» фрызуры — імправізуем.
Кіруе працэсам прадусарка Ганна Вольская.
Апошнія праўкі перад выхадам на здымачную пляцоўку. Лявон Вольскі ў вобразе.
Яркія ўдзельнікі здымак, адпаведныя дэкарацыі і адчуваньне, што на двары 60-я — гарантаванае.
Уладзімір Пугач (J:морс), бачна, быў папулярны і ў 60-я гады, хоць і маскіраваўся цёмнымі акулярамі :)
Зорка 60-х — Лявон Вольскі. З такімі прыгажунямі можна й забыцца, што наперадзе яшчэ здымкі кліпаў :)
Ракавая «каралева бензакалёнкі» Марына Грыцук рыхтуецца да здымак кліпа на пару з сваім былым калегам па КВЗ Андрэем Дзярковым.
«Спакойна, Маша, я — Джэймс Бонд!» — упэўнена заяўляе «безьбілетнік» Віталь Артыст. 
А рэжысэр здымак Мацей Сабураў у гэты час тлумачыць удзельнікам задумку наступнага кліпа — Віталь Артыст у вобразе Джэймса Бонда.
Надзвычай пасуе Алегу Хаменку вобраз Мао Дзэдуна.
А бялявая Каця Пытлева пераўтварылася ў кітайскую паплечніцу Алега Хаменкі.
Усе вакол у незвычайных вобразах, зь яркім макіяжам і грымам — атмасфэра маскараду. А каб не расслабляцца паміж здымкамі можна гуляць у гульні, піць каву ці працягваць таньчыць.
На пляцоўцы і здымаліся, і пілі, і елі. Да самай раніцы.
На вуліцы ўжо сьветла, кліпы амаль зьнятыя, і праз гадзінку – у каго праца, у каго заняткі. Пабыўшы ноч у вобразе 60-х, пасьля бяссоннай ночы, усё ўспрымаецца крыху інакш. І нават пайсьці на працу з чорнымі стрэлкамі на вачох і ў кароткай яркай сукенцы ўжо здаецца цалкам натуральным :)
Здымкі завершаныя. Застаецца толькі чакаць гатовае відэа і разглядаць фота.
Але насычаны начны графік здымак і наагул праект зраднілі ўсіх удзельнікаў – і бывалых на сцэне актораў ці музыкаў, як Аня Хітрык, і тых, для каго гэты праект – першы сцэнічны досьвед ці прыемная перадкалядная авантура.
Чытайце таксама падрабязьней пра новы супольны музычны праект у стылі 60-х, а таксама глядзіце фотарэпартажы з аднаго працоўнага дня новага супольнага музычнага праекту ў стылі 60-х на гуказапісвальнай студыі , а таксама пра тое, што адбывалася на здымачнай пляцоўцы ў ноч здымак кліпаў да праекту.
Аўтар фота Юра Сідун