У Івянцы ізноў пройдзе «Цукеркавы фэст»
Цукеркавы фэст «Ivkon» пройдзе сёлета 16 чэрвеня. Салодкія прызы і сюрпрызы, карамельныя дэгустацыі, цукеркавыя конкурсы і нават цукеркавы гімн — невялічкае мястэчка Івянец у 70 км ад Менску штолета на адзін перадкупальскі дзень ператвараецца ў Салодкую казачную краіну, дзе здараецца нават перамяшчэньне ў часе. Бо падарожжа ў гісторыю Краю – чароўнае.
Вось велічна, пад граньне музык, сьпевы і танцы заснавальнік мястэчка князь Вітаўт абвяшчае Івянец сталіцай Вялікага Княства Ласаваньня… А гэтае ж права давялося адваёўваць. І князі з рыцарамі годна вытрымалі выпрабаваньні.
А тады ўжо… закручваецца віхор падзей і прыгод:
- сустрэчы з князямі – даўнімі валадарамі івянецкіх зямель
- рыцарскія бойкі і змагарныя пагоні
- вясёлыя танцы, гульні ды варожбы
- зухаватыя хлапецкія змаганьні ды шляхецкія пацехі
- рамесныя выставы, кірмаШЫКі і майстар-класы
- сярэднявечныя лятарэі
- пошукі івянецкага скарбу і таемнай цукерыны шчасьця
- віктарыны, конкурсы ды нечаканыя ўзнагароды
- дэгустацыя цукерак
- этнічная карчма і майстар-клясы народнага кухарства
- знаёмства зь міфічнымі істотамі Налібоцкай пушчы
- праездка на рэтрааўтамабілях
- конна-спартовае шоў уланаў
- заплывы на каноэ і байдарках
- вечаровая этнадыскатэка
- вогнішча і фаер-шоў
Фэст уладоўваюць:
- анімацыйны тэатр «Майстэрня ўражаньняў»
- этнагурты «На таку» і «Сёмуха»
- узорны дзіцячы духавы аркестр «Няшота»
- гурты старадаўняй музыкі і сьпеваў:
- Irdarath, Terra vagantika, «Тутэйшая шляхта»,
- «Старая Літва» пана Скіргайлы Палянэцкага
- гурт гістарычных бальных танцаў «Вэрсаль»
- школа ірляндзкіх танцаў Celti Dragon
- падарожны тэатрык «Гістрыён»
- музычны гурт «Маланка аркестр»
- фолькмадэрн-гурт «Унія»
- гурт паляўнічай музыкі «Бекас»
- бард-дуэт «Антонаў і Мязецкі»
- конна-спартовы клюб «Залатая шпора»
- клюб рэтрааўтамабіляў
- клюб сабак хортаў
- клюб «Аэратур Балунс» (паветраны шар)
- турыстычнае прадпрыемства «Зялёная каманда»
Сьвята працягнецца з 14.00 да 23.00 16 чэрвеня. Пачатак а 14.00 на плошчы Свабоды, а адтуль дзея перасунецца да сядзібы Пятра Дарагунцава.
