Эўрапейцаў мэтанакіравана вучаць крэатыўнасьці і рызыкоўнасьці

Крэатыўнасьць, рызыкоўнасьць, схільнасьць да творчасьці і інавацыйнасьць — такія якасьці ў першую чаргу спрабуюць разьвіць настаўнікі ў эўрапейскай моладзі. Аднымі зь лідэраў у распрацоўцы падобных адукацыйных праграм у Эўрапейскім Зьвязе сталі Літва і Румынія.

Навучаньне прадпрымальніцтву прасоўваецца ў большасьці эўрапейскіх краін, адзначае апошняя справаздача Эўрапейскай Камісіі. Паводле дакумэнту, палова эўрапейскіх краін праз адукацыйныя рэформы пашырае навучаньне такім прадпрымальніцкім навыкам як ініцыятыўнасьць, рызыкоўнасьць, схільнасьць да творчасьці і крэатыўнасьць.

«Калі Эўропа хоча заставацца канкурэнтаздольнай, яна павінна інвэставаць у людзей, у іх навыкі, у здольнасьці да вынаходніцтва інавацый, — кажа камісарка па пытаньнях адукацыі, культуры, шматмоўя і моладзі ЭЗ Андрула Васіліу. — Гэта значыць, што мы павінныя заахвочваць рэальныя зьмены ў мысьленьні эўрапейцаў у іх стаўленьні да прадпрымальніцтва, і тое пачынаецца з выхаваньня духу прадпрымальніцтва з самай раньняй адукацыі».

Як адзначае прэс-служба Эўрапейскай Камісіі, 12 краін эўрапейскіх краін падтрымліваюць навучаньне прадпрымальніцтву праз шчыльнае супрацоўніцтва адукацыі і бізнэсу. Да прыкладу, у Эўропе становіцца папулярным стварэньне невялікіх фірм, якімі кіруюць студэнты.

Адным зь лідэраў разьвіцьця прадпрымальніцкага духу ў школьнікаў і студэнтаў ёсьць Літва. Там яшчэ з пачатковай школы настаўнікі імкнуцца разьвіць у дзяцей адпаведныя якасьці. А ў сярэдняй школе існуе нават адмысловы курс прадпрымальніцтва. Такія ўрокі акрамя Літвы ў ЭЗ можна ў школе можна прайсьці яшчэ і ў Румыніі.