У Басовішча-2009 зьявіўся лягатып, ідуць перамовы наконт бясплатных візаў

Лягатып да дваццатага Басовішча, якое пройдзе 17-18 ліпеня ў Гарадку (Польшча), распрацаваў вакаліст вядома гурта з Падляшша ZERO-85 Юрка Асеньнік. Гэты ж дызайнэр зьяўляецца аўтарам графічных выяваў фэстывалю ў 2004-2005 гадах.

На дадзены момант гатовыя два прыклады банэраў, зь якіх ужо можна атрымаць уяўленьне пра тое, як будзе выглядаць 20-е юбілейнае Басовішча:

У 2006-ым і 2007-ым гадох Беларускае аб’яднаньне студэнтаў ладзіла адмысловыя конкурсы на лягатып фэстывалю. У 2008 арганізатары Басовішча наўпрост зьвярталіся да Міхала Анемпадыстава — пераможцы конкурсу 2007-га году. Сёлета было вырашана зьвярнуцца да Юркі Асеньніка.

Лягатыпы Басовішча некаторых папярэдніх гадоў:

Дакладнай інфармацыі пра візы для беларусаў на дадзены момант яшчэ няма — працягваюцца перамовы. Аднак у самы бліжэйшы час чакайце зьяўленьне адмысловай навіны на Generation.by. Варта быць уважлівым, бо вельмі верагодна, што тэрміны на зварот па візу будуць моцна абмежаваныя ў часе.