Можна дапамагчы дзецям
Многія жывуць па схеме «дом-унівэр ці праца-/кіно, тэатр, вуліца/-дом». Але калі падазраеш, што ты добры і крэатыўны чалавек, то ёсьць канкрэтная прапанова. ГДА «Беларускі Дзіцячы Хоспіс» шукае валянтэраў, якія могуць дапамагчы невылечна хворым дзецям адчуць ўвагу і хвіліны радасьці.
Дзеткам, якія з-за хваробы пазбаўленыя стасункаў з аднагодкамі, патрэбны новыя знаёмыя і сябры.
Чым канкрэтна можна дапамагчы:
- пагуляць зь імі ў складанку ў цэнтры;
- навучыць іх вышываць і рабіць падарункі з саломкі;
- арганізаваць сьвята і паставіць м’юзікал;
- пагуляць па горадзе і расказаць казку;
- падтрымаць словам і проста даслаць ліст па e-mail;
- прыдумаць цэлы стос сваіх гульняў, заняткаў і рэалізаваць іх;
Галоўнае - ты можаш дапамагчы ім адчуць сябе шчасьлівымі.
Студэнты ўсяго сьвету ўдзельнічаюць у валянтэрскіх рухах. Яны дапамагаюць людзям і сабе, бо моц – у сяброўстве.
Арганізацыйны збор каманды валянтэраў адбудзецца 13 кастрычніка (субота) у 10.00 у будынку «Хоспіса».
Адрэса: в.Бараўляны, Менскі р-н; вул.Бярозавы гай, 100А.
Праезд: аўт. 515 (каля ст.м. «Плошча Леніна»), 113 (каля ст.м. «Маскоўская») да прып. «Пасёлак ЛЯСНЫ».
За дадатковай інфармацыяй можна зьвярнуцца на: e-mail: hospicepall@mail.belpak.by, сайт: hospice.by, тэл. (8017) 505-27-47 – Алёна, каардынатар валянтэрскага руху.