Фотарэпартаж з аднаго працоўнага дня новага супольнага музычнага праекту ў стылі 60-х
Пра запісваемыя ў студыі песьні распавядае Generation.bY Лявон Вольскі.
Лявон Вольскі і Павал Булатнікаў сьпяваюць песьню «Героі».
«Пачыналася яна з таго, што — дзе ж ты падзенесься без Чэ Гевары — трэба пісаць пра яго песьню. Але атрымаўся такі абагульняючы твор ды яшчэ ў стылі
ўэстэрн-баляда ».
«Суворы тата» — Сьвета Зелянкоўская пяе пра бацьку, які забараняў ёй хадзіць на дыскатэкі, паліць і выпіваць, але дамогся адно адваротнага эфэкту».
«Ведзьмы» — Сьвета Зелянкоўская, Вольга Самусік, Зоя Каральчук — тры эмансыпаваныя ведзьмы сьпяваюць пры нялёгкую долю вядзьмаркі ў сучасным грамадзтве».
Песьня «Рыкша» — Алег Хаменка і Каця Пытлева апавядаюць пра нялёгкае жыцьцё ў дарэвалюцыйным Кітаі і пазытыўныя зьмены ў гэтай краіне.
«У
60-х быў вельмі папулярны таварыш Мао — і ня толькі ў Кітаі, але й на вялікай частцы Эўропы і Амэрыкі, таму што людзі не ўспрымалі сацыялізм савецкі, але чамусьці ім падабалася кітайская мадэль. Можа быць, гэта падавалася больш рамантычным:)», — распавядае пра песьню Лявон Вольскі.
«Не пасьпяваю» — Юра Белазор (Anyway!), лішне казаць, нічога й нідзе не пасьпявае».
«Мой капітан» у выкананьні Ганны Хітрык — сьпеў пра карабель каханьня, які загінуў у суровых хвалях жыцьця».
Але гэта толькі менш за палову песень. Лявон Вольскі працягвае пісаць новыя тэксты для будучага супольнага праекту, але пра гэта пазьней.
Чытайце таксама артыкул: