У інтэрнатах БНТУ адключаны доступ да інтэрнэту

З 10-га сакавіка ў інтэрнатах Беларускага Нацыянальнага Тэхнічнага Ўнівэрсытэту адключаны доступ да інтэрнэту. Студэнтам гавораць, што на гэта быў адмысловы вусны загад рэктара Хрусталёва. 

Супрацоўнікі інтэрнэт-правайдэра Niks, празь які БНТУ быў далучаны да сеціва, на запыты студэнтаў адказваюць, што інтэрнэт сапраўды адлучаны з боку ўнівэрсытэта, але не правайдэра.

Студэнты БНТУ спадзяюцца, што пасьля 20-га сакавіка (калі скончыцца выбарчая кампанія) інтэрнэт запрацуе ізноў.