У ЕГУ завершаны адбор выкладчыкаў, з якімі будуць падпісаныя 5-гадовыя працоўныя дамовы

У ЕГУ выбралі першых 17 выкладчыкаў, якім будзе прапанавана падпісаць працоўныя дамовы на 5-гадовы тэрмін з поўнай занятасцю, каб выкладаць і праводзіць навуковыя даследаванні ў межах універсітэта.

ЕГУ

У склад Камісіі па найме выкладчыкаў, якая ажыццяўляла адбор, уваходзіла сем прадстаўнікоў універсітэта і тры знешнія эксперты: з Германіі, Люксембурга і Швецыі, паведамляюць у ЕГУ.

«Камісія па найме выкладчыкаў атрымала больш за 120 заявак на заняццё пасадаў на ўмовах поўнай занятасці. У выніку ўважлівага вывучэння рэзюмэ і матывацыйных лістоў прэтэндэнтаў Камісія выбрала 32 кандыдата для запрашэння на сумоўе. Сумоўі прайшлі бесперашкодна і згодна з планам», – паведаміў галоўны аперацыйны дырэктар ЕГУ Дэвід Полік.

З 17 выбраных кандыдатаў 15 з'яўляюцца чальцамі цяперашняга прафесарска-выкладчыцкага складу ЕГУ. Увосень, ад пачатку 2014/15 навучальнага года, яны распачнуць працу ў адпаведнасці з новымі працоўнымі дамовамі поўнай занятасці. 

Выкладчыкі, якія атрымаюць прапанову падпісаць працоўныя дамовы поўнай занятасці на 5-гадовы тэрмін:

  1. Горных Андрэй Анатольевіч
  2. Усманава Альміра Рыфаўна
  3. Сялецкі Сяргей Міхайлавіч
  4. Арлова Галіна Анатольеўна
  5. Фурс Вераніка Уладзіміраўна
  6. Любімаў Сяргей Паўлавіч
  7. Сасункевіч Вольга Міхайлаўна
  8. Пігальская Ала Міхайлаўна
  9. Пупцаў Аляксандр Яўгеньевіч
  10. Маркава Алена
  11. Стурэйка Сцяпан Андрэевіч
  12. Вашкевіч Аляксандр Яўгеньевіч
  13. Раўлушавічус Павелас
  14. Цімафееў Максім
  15. Шчытцова Таццяна Валер'еўна
  16. Сцяпанаў Андрэй Сяргеевіч
  17. Чуліцкая Таццяна Уладзіміраўна

Цяпер універсітэт гатовы да пераходу да другога этапа рэформы прафесарска-выкладчыцкага складу ЕГУ. Этап будзе складацца з унутранага конкурсу сярод цяперашніх выкладчыкаў ЕГУ на заняццё пасадаў у эквіваленце да 40 поўных ставак. Адбор выкладчыкаў на гэтыя пасады будзе залежаць ад патрэбаў універсітэцкай нагрузкі. Універсітэт збіраецца прапанаваць выбраным выкладчыкам працоўныя дамовы на 2-гадовы тэрмін.

Мэтай рэформы прафесарска-выкладчыцкага складу ЕГУ адміністрацыя ўніверсітэта называе паляпшэнне ўмоваў працы выкладчыкаў і ўмацаванне агульнай якасці адукацыі і навуковых даследаванняў у ЕГУ.

Тым часам Кантралёр па акадэмічнай этыцы і працэдурах Літоўскай рэспублікі задаволіў у канцы красавіка пададзеную Сенатам ЕГУ скаргу аб парушэннях у дзеяннях кіраўніцтва універсітэта, у тым ліку звязаных з правядзеннем конкурсу на выкладчыцкія пазіцыі.

Адміністрацыя ЕГУ не пагаджаецца з рашэннем Кантралёра і працягвае праводзіць конкурс у адпаведнасці з рэкамендацыяй юрыста, на думку якога Кантралёр перавысіў свае поўнамоцтвы.

 

16:00, 22/05/2014 | Навіны |
comments powered by Disqus
 
In 0.098 seconds.