Гурт, без якога цяпер не абыходзіцца амаль ніводны рок-фэст краіны, прэзентаваў напярэдадні фольк-фестываля «Вольнае паветра» новы кліп на народную песню «Чаго ты, Лося…». Здымкі адбываліся ў Лошыцкім парку на ўсходзе сонца, а пляцоўку для здымак рыхтавалі ўначы. Гераіняй кліпа стала традыцыйная беларуская абрадавая лялька.
Апрацаваная Re1ikt народная песня «Чаго ты, Лося» войдзе ў чацвёрты альбом гурта, які з’явіцца ў хуткім часе.