Бясплатны канцэрт Martin S.

Менскі гурт Martin S. выдаў свой дэбютны аднайменны альбом, тры рознакаляровыя часткі якога ўжо пабачылі свет: Red AP, Blue AP і Green AP. Увесь альбом цалкам можна спампаваць з афіцыйнага сайту.

6 снежня Martin S. прэзентуе свой альбом вялікім сольнікам у клубе Re:public. Уваход на канцэрт вольны. Пачатак: 19:00. У мерапрыемстве таксама возьмуць удзел экперыментальны тэатр «Галава-нага» і электроннага праэкта Iver.

«Мы хочам зрабіць так, каб нашая музыка ўспрымалася не толькі на слых, але і візуальна. Таму настойліва раім прыйсці на гэты канцэрт усім», — заахвочваюць музыкі слухачоў.