Відэа: вулічны мастак ДСНТ87 з Жодзіна прэзентуе сябе свету

Вулічны мастак з Жодзіна, які пазначае сябе мянушкай ДСНТ87, даслаў нам відэа-прэзентацыю ўласнай творчасці.

ДСНТ87 распавёў Generation.by, што свой першы публічны твор зрабіў яшчэ ў далёкім 2002 годзе. Але відэа-прэзентацыя яго дзейнасці адбываецца толькі цяпер. Хлопец разлічвае, што гэта толькі пачатак і далей будзе поўнавартаснае кіно. Ці будуць у ім іншыя жодзінскія мастакі, не вядома, хаця ў горадзе «нешта ёсць, але зусім у іншым кірунку»,— гаворыць ДСНТ87.

Гугл на дадзены момант пакуль не знаходзіў слядоў ДСНТ87 у сеціве. Не знаходзіла слядоў ДСНТ87 і міліцыя таксама, таму «пакуль не дакучала», хаця мастак гаворыць, што гэта «балючае пытанне».

Цяпер дзейнасць ДСНТ87 распаўсюджаная пераважна на родны горад.