Аўтобусам на фэстываль «Дзікая мята»

Сустрэць лета — першыя тры чэрвеньскія дні — арганізатары музычнага фэсту «Дзікая мята» прапануюць акурат у іх. Пройдзе гэта дзейства ў расейскім культурна-гістарычным цэнтры пад назвай «Этнамір». Сёлета фэст «Дзікая мята» адзначае сваё пяцігодзьдзе і ў гэты гонар выходзіць на міжнародную арэну. У сьпісах удзельнікаў ня толькі расейскія выканаўцы, але і вядомыя артысты з розных краін блізкага і далёкага замежжа. Па традыцыі арганізатары плянуюць сабраць ня меней 10 тысяч чалавек.

Артысты «Дзікай Мяты 2012» добра знаёмыя людзям, што шануюць сапраўдны саўнд, і людзям далёкім ад такой рэчы як mainstream. Фэст зьбірае ўсё самае сакавітае і яркае з музычнага сьвету. На сцэнах фэсту будзе пададзены ўвесь гарачы музычны спэктар world music! Будзе ўсё: балканскія мэлёдыі і рытмы кельтаў, сальса і фламэнка, рускія сьпевы і афрыканскі біт, этнічны джаз і ўсімі любімая рагга. У цэлым у гэты раз на «Дзікай Мяце» выступіць каля 30 гуртоў зь дзесяці краін сьвету.

• Горан Брэгавіч (Югаславія)
• Ніно Катамадзэ і Insight (Грузія)
• Värttinä (Фінляндыя)
• InWhite (Расія)
• Oquestrada (Партугалия)
• Tonino Carotone (Гішпанія)
• SoulMama (Грузія)
• Sunsay (5’nizza) (Украіна)
• Billy’s Band (Расея)
• Zdob si Zdub (Малдова)
• Katzenjammer (Нарвэгія)
• ды іншыя

Арганізоўваецца аўтобусны-тур зь Мкнску на фэст: Ад'езд (чыгуначны вакзал) 31.05 у 21.00. Прыезд 4.06 каля 9.00 раніцы . Кошт падарожжа: 315.000 + 85.000 беларускіх рублёў. Квіток на фэст 3 дня — 1200 расейскіх рублёў да 1-га траўня, 1300 рас. рублёў пасьля 1-га траўня.

Месцаваньне і пражываньне арганізуецца самастойна (намётавы гарадок альбо іншае), уся інфармацыя ёсьць на сайце фэсту. Тэлефоны для даведак па даезьдзе: МТС +375 29 2597325, Velcom +375 44 5963958. Колькасьць месцаў у аўтобусе абмежаваная! Тэлефануйце ці задавайце пытаньні ў камэнтарах.