Міжнародны конкурс аратарскага майстэрства завяршае прыём заявак
Адзін дзень застаўся да завяршэньня прыёму заявак на ўдзел у міжнародным конкурсе аратарскага майстэрства, арганізаваны Саюзам ангельскай мовы ў Беларусі.
Кацярына Батурына перамагла на конкурсе аратарскага майстэрства ў 2010
Саюз ангельскай мовы штогод арганізуе ў Беларусі аратарскія спаборніцтвы сярод маладых людзей да 20 гадоў, якія добра валодаюць мовай Злучанага каралеўства. Пераможцы мінулагодніх этапаў адпраўляліся на сусьветныя спаборніцтвы ў Лёндан.
Тэма сёлетняга конкурсу — «Мудрасьць моладзі». Удзельнікі могуць інтэрпрэтаваць гэтую тэму ў любым напрамку, але не павінныя ўжываць яе як назву ўласнай прамовы (крэатыўны падыход да выбару тэмы вітаецца).
Каб стаць удзельнікам спаборніцтва, дастаткова запоўніць невялікую анкету і даслаць яе на esu.belaruspsc@gmail.com.
Конкурс адчынены для вучняў або студэнтаў ва ўзросьце ад 16 да 20 гадоў (па стане на 17 траўня 2012 г.). Тэрмін падачы заявак — 20 лютага 2012 года.