Завяршаецца прыём заявак на беларускі One Short Film Fest

One Short Film Fest заўтра завяршае прыём заявак на ўдзел у фэстывалі кароткамэтражных фільмаў. Тэрмін быў працягнуты да 10 студзеня 2012 году. Сёлета кінафэстываль будзе праходзіць у чатырох галоўных намінацыях: дакумэнтальнае кіно, гульнявое кіно, анімацыя, арт-хаўс. Сам кінафэстываль пройдзе 20–22 лютага 2012 у арткінатэатры Rubin Plaza.

Удзельнікам кінафэстывалю можа стаць кожны! Каб прыняць удзел у кінафэстывалі кароткамэтражных беларускіх фільмаў One Short Film Fest, неабходна:

Запоўніць заяўку. Заяўкі прымаюцца да 10 студзеня 2012 года.

Даслаць конкурсную працу арганізатарам кінафэстывалю. Працы дасылайце на дысках на а/с 270, індэкс 220013, Мінск.

Удзельнікі конкурсу не павінны быць старэйшыя за 35 гадоў.

Патрабаваньні да работ:

• Фармат малюнка: wmv, avi, mpeg, mov, dvd.
• Малюнак і гук павінны быць выразнымі.
• Да ўдзелу ў фэстывалі прымаюцца працы, хранамэтраж якіх ня больш за 20 хвілін.
• Працы павінны быць не старэйшыя за 3 гадоў.
• Да ўдзелу ў конкурсе не прымаюцца працы з абразьлівай тэматыкай.

Заяўку дасылайце на электронны скрыню: orgfilm@gmail.com.

One Short Film Fest — кінафэст фільмаў маладых рэжысёраў. У рамках фэсту плянуецца ня толькі паказ фільмаў, але таксама актыўны ўдзел рэжысёраў і запрошаных кінакрытыкаў і экспэртаў у вобласьці film-studies. Мэта кінафэстывалю: стварыць публічную прастору, месца сустрэчы film-makers, крытыкаў і беларускага гледача. Па заканчэньні фэстывалю лепшыя працы будуць узнагароджаныя.