Украінцы «ДахаБраха» разам з Port Mone выступяць на «Басовішчы» ў супольным праекце

«Басовішча» абвясьціла чарговых хэдлайнэраў фэстывалю — вядомы этна-гурт Украіны «ДахаБраха» ў супольным праекце зь лепшым беларускім эмбіентам Port Mone.

ДахаБраха

Port Mone

Фэстываль «Басовішча», які традыцыйна пройдзе ў сярэдзіне лета пад Беластокам, працягвае публікаваць навінкі сёлетняй праграмы.

На дадзены момант у праграме ўжо заяўленыя:

• Neuro Dubel
• IQ48
• R.U.T.A.
• ДахаБраха
• Port Mone
• Znich
• Beton
• Tymon & Transistors
• TT-34
• YellowBrickRoad
• Akute
• Exist-M

Праграма будзе пашырацца, але ня толькі музычная. Ужо заплянаваныя пэрфомансы, праекцыі фільмаў, майстар клясы для гледачоў: беларускія песьні белым голасам, ігра на этнічных інструмэнтах, графіці і трафарэты. Ужо традыцыйнымі для фэстывалю таксама будуць выступы DJ-аў.

Кампазыцыя «Вясна», гурт «ДахаБраха»

Да 10 чэрвеня працягваецца збор заявак на конкурс маладых гуртоў фэстывалю.

Арганізатары «Басовішча» разьлічваюць прадставіць гледачам візавую падтрымку і выпрацоўваюць яе мэханізмы цяпер.