Беларуская чыгунка зьмяняе твар і дзеліць пасажыраў на багатых і ня вельмі

Беларуская чыгунка наважылася на вялікія зьмены, каб канкураваць з маршруткамі і асабістымі аўтамабілямі. Да 2015 году беларусам абяцаюць «чыгунку эўрапейскага ўзроўню» зь бізнэс і эканом-клясамі, іншымі хуткасьцямі руху і прынцыпова новай клясыфікацыяй ліній. А пачынаюць чыгуначнікі з запуску швэйцарскай «гарадзкой электрычкі» да Ждановічаў — цяпер дабрацца туды можна будзе за 15 хвілін.

Паводле новай канцэпцыі пасажырскіх перавозак Беларускай чыгункі, усе цягнікі будуць падзеленыя на клясы паводле працягласьці маршруту і кошту праезду. Зьявяцца як бізнэс-лініі, гэтак і «эканом-кляс», а таксама турыстычныя цягнікі.

Кожны кляс цягнікоў будзе мець уласны лягатып. Каб бізнэсоўцы і «эканом» не заблыталіся, у чым ехаць

Так, новая клясыфікацыя ўключыць міжнародныя лініі для вандровак у замежныя краіны, міжрэгіянальныя лініі, што падзеляць на «бізнэс-кляс» з сучаснымі цягнікамі і мінімальнай колькасьцю прыпынкаў. Шлях ад Менску да Віцебска такі цягнік пераадолее за 2.5–3 гадзіны. Цягнікі міжрэгіянальных ліній эканом-клясу будуць спыняцца на асноўных станцыях. Хуткасьці тут будуць крыху ніжэйшымі, прыпынкаў болей, а цягнікі — старыя.

Таксама на эканамічны і бізнэсовы кляс падзеляць рэгіянальныя цягнікі. Бізнэс-кляс дасьць магчымасьць, напрыклад, жыхарам Барысава (а разам зь імі — Смалявічаў і Жодзіна) дабрацца ў цэнтар Менску за 30 хвілін супраць сёньняшніх 1.5 гадзіны. Цягнікі эканом-клясу на рэгіянальных лініях, як і раней, будуць забясьпечваць падвоз насельніцтва да месца працы, вучобы. Пры гэтым зьявяцца таксама «скразныя» і паскораныя маршруты, а ў ранішнія і вячэрнія гадзіны пік павялічацца часьціня іх курсіраваньня.

Акрамя гэтага, чыгуначнікі абяцаюць значна скараціць час перасоўваньня на пэўных маршрутах: да Вільні зь Менску можна будзе даехаць за 2 гадзіны, да Масквы амаль за такіх ж час, улічваючы мяркуемую хуткасьць цягнікоў 400 км/г. На ўсё гэта ўжо цяпер можна набыць квіткі праз Інтэрнэт. Праўда, сэрвіс продажаў пакуль адстае ад аналягічных у нашых суседзяў.

Швэйцарскай электрацыяй на Жданы

У Беларусі зьявілася першая сапраўдная «эўрапейская» электрацыя: з ахайным салёнам, касьмічнай прыбіральняй і нізкім полам. Да таго ж ціхая і мае кандыцыянэр, у адрозьненьні ад савецкіх аналягаў. Сабралі электрацыю ў Швэйцарыі, а езьдзіць яна будзем паміж Заслаўем і менскім чыгуначным вакзалам. Ужо з 1 ліпеня.

У Беларускай чыгунцы прызнаюць, што гэта адзін з найбольш загружаных прыгарадных кірункаў. Да жніўня электрычка будзе езьдзіць у тэставым рэжыме, піша БелТА.

Так выглядае салён новай швэйцарскай электрацыі

Зараз у БЧ вырашаюць, якія менавіта квіткі лепш прадаваць. Дакладны іх кошт пакуль невядомы, але плянуецца, што квіткі будуць таньнейшымі, чым праезд у маршрутках, і крыху даражэйшымі за кошт квіткоў у аўтобусах. Магчыма, зьявіцца суткавы праязны, чаго ў нас раней таксама не было.

Першая гарадзкая электрычка складаецца з чатырох вагонаў, у якіх могуць разьмясьціцца 624 пасажыры. Хуткасьць яе — 160 км/г. Беларуская чыгунка ў сакавіку мінулага году заключыла кантракт са швэйцарскай кампаніяй Stadler на пастаўку 10 электрацягнікоў. Пакуль у Менск дастаўлены толькі адзін. Акрамя Ждановічаў новыя электрацыі, магчыма, пойдуць у бок Смалявічаў.

500 рублёў за зону

А пакуль у чаканьні зьменаў абвешчана аб падвышэньні кошту праезду на прыгарадных цягніках. Празь дзевяць дзён яны вырастуць на 13,6% ці на 60 рублёў за адну зону.