Міністар адукацыі: колькасьць адлічэньняў у ВНУ дасягае 10%

Новы міністар адукацыі Сяргей Маскевіч прапануе выпускнікам школаў «спачатку атрымаць базавую прафэсію, можа быць і папрацаваць, а затым штурмаваць ВНУ».

Па словах міністра, у ВНУ краіны даволі вялікі адсотак адлічэньняў, у некаторых установах дасягае 10%. Маскевіч тлумачыць гэта няправільным выбарам абітурыентамі будучай прафэсіі.

«Сёньня настаўнік мусіць дапамагчы школьніку атрымаць правільную профарыентацыю, з улікам патрэбаў рэальнага сэктару эканомікі, — цытуе Белта заяву міністра на сустрэчы з настаўнікамі ў Горадні. — Настаўнік мусіць тлумачыць, што спачатку можна атрымаць базавую прафэсію, можа быць і папрацаваць, а затым мае сэнс штурмаваць ВНУ. Для кагосьці гэта і будзе лепшы варыянт».