26.11 — Беларускі гурт Yellow Brick Road ідзе на рэкорд
26 лістапада рок-гурт Yellow Brick Road прадставіць у Менску свой новы альбом «Honeymoon». Гэтым выступам калектыў завершыць свой трэці эўрапейскі тур, у рамках якога музыкі далі два дзесяткі канцэртаў у краінах Прыбалтыкі, Польшчы, Германіі і Чэхіі.
Yellow Brick Road існуе ўсяго паўтары гады. За гэты час хлопцы зь Менску, якія сьпяваюць
«У Беларусі занадта мала магчымасьцяў для выступаў, менавіта таму шматлікія нашыя гурты рана перастаюць разьвівацца. Які можа быць прагрэс, калі ў цябе канцэрт раз у некалькі месяцаў і ты выступаеш ўвесь час з аднымі і тымі ж камандамі? Трэба браць інструмэнты і ехаць граць, набірацца ўражаньняў і вопыту!» — лічыць
бас-гітарыст і мэнэджэр гурта Дзьмітрый Хламаў.
Вынік не прымусіў сябе чакаць — калі першы альбом «12 Stories» за год запампавалі каля 10 тысяч разоў, то новы дыск «Honeymoon», выпушчаны два месяцы таму, ужо падбіраецца да 20 тысячаў. І гэта толькі з афіцыйнага сайту. З хваламі крытыкаў таксама праблем няма — на сайце Experty.by новы альбом атрымаў 7,75 бала з 10 магчымых. Але хлопцы не спыняюцца на дасягнутым — наперадзе ў іх новыя мэты.
«Першая мэта — гэта прэзэнтацыя ў Менску. Мы хочам паказаць усё, чаму навучыліся за час гастроляў. Прычым ня проста адыграем новую праграму, а будзе сапраўднае шоў з добрым сьвятлом, здымкай і гэтак далей. Пасьля ўвесну зноў адправімся ў тур. За паўтара гады мы сыгралі ў Эўропе больш за 70 канцэртаў. Да двухгадовага юбілею хочам паставіць прыгожы рэкорд — пераваліць за 100», — кажа вакаліст гурта Ян Максімовіч.
26 лістапада ў клюбе «Рэактар» група Yellow Brick Road з прэзэнтацыяй новага альбому «Honeymoon». Квіткі: 15 тыс. (папярэдне), 20 тыс. (у дзень канцэрту). Даведка: мтс 1956 57298, velcom 636 08 56, life 993 93 73. Пачатак у 19.00.
Паводле прэс-рэлізу