Кіраўніцтва БДАТУ заявіла, каб студэнты ішлі на выбары датэрмінова

На сустрэчы актыва ўнівэрсытэту з рэктаратам БДАТУ пасьля ўступных словаў пра пэрспэктывы і сьвята ўнівэрсытэту, прайшла вельмі ўнушальная размова пра выбары. Канешне, усе робіцца дзеля студэнтаў, нават пятніцу зрабілі выходным днём, каб усе прагаласавалі “харашо”.

Праз некалькі дзён быў сход студсавету, дзе, акрамя побытавых пытаньняў, прайшла лекцыя дэканата пра выбары і рэфэрэндум, на якой адкрытым тэкстам было сказана, што “у нашых сілах прагаласаваць на 100% датэрмінова (да чацьвера), каб не было праблемаў”. Папярэдзілі, каб студэнты ня ўлазілі ў палітыку, бо будуць прынятыя сур’ёзныя меры.

Зьбіраецца яшчэ наведацца куратар, каб паразмаўляць на гэтую тэму: іх жа пазбавяць прэміі, калі іхныя групы не прагаласуюць у прызначаны па графіку тэрмін.

А па канстытуцыі ў кожнага ёсьць права на выбар...