Ніндзя выратавалі студэнта ад рабаўнікоў

Няўдачлівыя рабаўнікі, якія паспрабавалі напасьці на студэнта-мэдыка на вуліцы прыгараду Сіднэя, былі адоленыя з дапамогай навучэнцаў школы баявых мастацтваў пад старшынствам свайго майстра.

Навучэнцы школы баявых мастацтваў у Сіднэі

Тры рабаўніка назіралі за 27-гадовым студэнтам зь Нямеччыны яшчэ ў цягніку, і калі той выйшаў зь яго ў заходняй частцы Сіднэя, адразу пайшлі за ім. Але тройка не ўлічыла, што вуліца, па якой ішла іх выпадковая ахвяра, праходзіла недалёка ад школы баявых мастацтваў, паведамляе ABC News.

У той момант, калі рабаўнікі напалі на студэнта, у дзьвярах школы паказаўся адзін зь яе навучэнцаў. Ён заўважыў сутычку і адразу вярнуўся ў будынак, дзе паклікаў на дапамогу іншых навучэнцаў і свайго настаўніка.

«Мы наблізіліся да іх, і яны зьбеглі. Рабаўнікі дакладна заўважылі, што ўсе мы апранутыя ў чорныя касьцюмы ніндзя», — распавёў настаўнік маладых байцоў.

Паліцыя здолела затрымаць двух з трох рабаўнікоў. Цяпер іх абвінавачваюць у нападзе і разбоі.