У крамах Саудаўскай Арабіі шукаюць тавары, прысьвечаныя Дню сьвятога Валянціна

Паліцыя Саудаўскай Арабіі праводзіць ператрусы ў мясцовых крамах. Супрацоўнікі праваахоўных органаў каралеўства шукаюць тавары, якія маюць дачыненьне да сьвяткаваньня Дня сьвятога Валянціна. У Саудаўскай Арабіі гэта сьвята забароненае.

Фота kokoloveguam

У прыватнасьці, гаворка ідзе аб чырвоных ружах, таварах у форме сэрцаў і чырвонай абгортачнай упакоўцы. Ад падобных тавараў крамам «належыць пазбавіцца», заявілі ў паліцыі.

Адзначаецца, што на працягу года падобныя тавары прадаваць дазволена, аднак напярэдадні 14 лютага яны ператвараюцца ў «кантрабанду».

Associated Press