Тэлескоп – праз інтэрнэт

Прафэсар дэпартаманта фізыкі і астраномі Ўнівэрсытэта Кентукі Сукета Бхаўсар (Suketo Bhavsar) мае намер усталяваць у Аўстраліі тэлескоп, які яго студэнты маглі б выкарыстоўваць праз інтэрнэт, перадае АР.

На думку Бхаўсара, стварэньне такога тэлескопа было б надзвычай карысным для студэнтаў, якія змаглі б праводзіць зь яго дапамогай невялікія навуковыя дасьледаваньні.

Разьмясьціць жа яго ў Аўстраліі было б надзвычай зручна, бо калі там ноч, лепшы час для назіраньняў за зоркамі, у Кентукі дзень і студэнты ў клясе.

Фонд навукаў й інжынэрнага мастацтва Кентукі ўжо фінансаваў дасьледаваньне, якое дазволіць заключыць, наколькі праект Бхаўсара рэальны. Што ж датычыць фінансаваньня, то прафэсар зьбіраецца прасіць грант у Нацыянальнай навуковай арганізацыі ЗША і NASA.