Міжнародны гуманітарны інстытут пры БДУ ліквідуюць

Рэктар інстытута Зэлік Пінхасік толькі 17 верасьня даведаўся, што загадам міністра адукацыі Аляксандра Радзькова інстытут быў ліквідаваны яшчэ 2 верасьня (!). Прычыны ліквідацыі ў загадзе не агучваюцца. Аб загадзе нічога не было вядома, і студэнты працягвалі вучыцца.

Інстытут працуе з 1999 году. У ім навучаліся 475 студэнтаў па чатырох спэцыальнасьцях: перакладчыкі, маркетолягі, дызайнэры й культуролягі. Ім чыталі курсы па габрэйскай гісторыі, філязофіі, эўрыту. Інстытут цалкам фінансаваўся габрэйскімі фондамі.

Будынак, у якім разьмяшчаўся інстытут таксама быў адрамантаваны ў 1997 годзе на грошы габрэйскай дыяспары.

У гэтым навучальным годзе студэнты ўжо мусілі атрымаць першыя дыплёмы. Плянавалася, што дыплёмы таксама будуць Іерусалімскага ўнівэрсытэта.

Рэктар інстытута Зэлік Пінхасік лічыць ліквідацыю незаконнай, паколькі рашэньне аб ліквідацыі сгодна з заканадаўствам можа вынесьці толькі вучоны савет БДУ.