Лявон Вольскі прэзэнтуе сольны альбом эксклюзіўным міні-канцэртам

Абяцаны раней, але адменены па стане здароўя Лявона, эксклюзіўны міні-канцэрт з нагоды выхаду CD-вэрсіі сольнага альбому «Куплеты і прыпевы» адбудзецца на гэтым тыдні. Пачуць «Эўравізію» ці «Рабятаў з бадунца» можна будзе 24 ліпеня ў дыскарні «Містэрыя гуку» (ГЦ «Рыга»).

На чаканай імпрэзе плянуецца міні-канцэрт Лявона Вольскага, аўтограф-сэсія і фота.

Адметнасьць падзеі яшчэ й у тым, што болей выступаў з праграмай «Куплеты і прыпевы» музыка не плянуе.

Спампаваць альбом у mp3 можна на сайце Лявона, а CD-вэрcія сольнага альбому зьмяшчае дадаткова караокэ-вэрсіі ўсіх песень, тэксты, акорды і слоўнік ужытых тэрмінаў. «Куплеты і прыпевы» зьбіраюць прыхільнікаў у чацьвер, а 18 гадзіне.