Беларусь не ўвайшла ў рэйтынг 127 краінаў паводле ўзроўню інфармацыйных тэхналёгіяў
Беларусі зноў няма ў адным з глябальных індэксаў — гэтым разам нас няма сярод 127 краінаў, ацэненых Сусьветным эканамічным форумам паводле Індэксу сеціўнай падрыхтаванасьці. З дапамогаю Індэксу ацэньваецца ступень падрыхтаванасьці краіны да ўдзелу ў разьвіцьці інфармацыйна-камунікацыйных тэхналёгіяў. Вынікі — у Глябальнай справаздачы па інфармацыйных тэхналёгіях.
На першым месцы апынулася Данія, за ёй Швэцыя і Швайцарыя, на чацьвёртым месцы ЗША, на пятым — Сінгапур. Патрапілі ў рэйтынг і нашыя суседзі:
- Латвія — 44 месца
- Літва — 33
- Польшча — 62
- Расея — 72
- Украіна — 70
А, напрыклад, Віетнам знаходзіцца на 73 месцы, Кітай — на 57 і Вэнэсуэла — на 86 месцы.
Апошнія пяць з 127 месцаў дасталіся Этыёпіі, Банглядэшу, Зімбабве, Бурундзі і на апошнім месцы Чад.
інфармацыйна-камунікацыйная асяродзьдзе, якая прапануецца ў дадзенай краіне (рынак, заканадаўства, інфраструктура);- падрыхтаванасьць асноўных зацікаўленых бакоў: прыватных асобаў, бізнэсу і ўраду;
- выкарыстаньне інфармацыйна-камунікацыйных тэхналёгіяў зацікаўленымі бакамі.
Чаму Беларусі няма ў рэйтынгу ня ясна. Нагадаем, што нашай краіны не было і ў Глябальным індэксу міра, які атрымала 121 краіна, у тым ліку і ўсе нашыя суседзі. Generation.by накіраваў складальнікам Індэксу міра запыт, на што атрымаў адказ: адзіная прычына, па якой краіны няма ў рэйтынгу — адсутнасьць усіх 24 паказчыкаў, што ўлічваюцца пра складаньні Індэксу.
Атрымоўваецца, што зьбіраць дадзеныя ў нашай краіне міжнародным арганізацыям і агенцыям складаней, чым, прыкладам, у Пакістане ці Непале.