Хілары Абама піярыць бэльгійскі ўнівэр

«Навошта абіраць, калі можна аб’яднаць?» — пад такім лёзунгам бэльгійскі Hogeschool-Universiteit рэклямуе адмысловую схему навучаньня, якая спалучае вышэйшую і сярэднюю адукацыю. Фоташоп дапамог праілюстраваць, што каледж і ўнівэрсытэт адначасова — гэта рэальнасьць.­

Hogeschool-Universiteit (HUB), каб павысіць колькасьць студэнтаў, прапануе найбольш пасьпяховым зь іх дыплём каледжу і ўнівэрсытэту ў адным. «Каледж ці ўнівэрсытэт?» — гэтае пытаньне хвалюе выпускнікоў школ.

Хілары Абама ілюструе, што замест таго, каб абіраць, можна аб’яднаць. Калі ўжо атрымалася злучыць непрымірымых прэтэндэнтаў у кандыдаты на прэзыдэнцкі фатэль ад дэмакратычнай партыі ЗША Хілары Клінтан і Барака Абаму, хай сабе і пры дапамозе фоташопа, то аб'яднаць сярэднюю і вышэйшую адукацыю — прасьцей простага. Пры дапамозе Hogeschool-Universiteit.