У Расеі за камэнт у ЖЖ даюць да двух год
Справа Савы Цярэнцьева — першы ў Расеі выпадак прыцягненьня да крымінальнай адказнасьці за камэнтар у Livejournal. Год таму хлопец напісаў надта эмацыйны камэнтар пра міліцыю ў аднаго з сваіх фрэндаў. Праз некалькі дзён была заведзеная крымінальная справа па артыкуле «распальваньне варожасьці ў дачыненьні пэўных сацыяльных груп», і цяпер яе перадаюць у суд.
Год таму жж-карыстальнік terentyev, ён жа — сыктыўкарскі рок-музыка Сава Цярэнцьеў — пакінуў камэнт у іншым жж, у якім распавядалася пра ператрус у рэдакцыі адной з апазыцыйных газэт гораду. Сава ўзгадаў свой досьвед камунікацыяў з ахоўнікамі правапарадку — і напісаў надта эмацыйны камэнтар пра міліцыю і тое, што варта рабіць з «неверными милиционерами» .
Тым часам супрацоўнікі аддзелу «К» — кампутаровай міліцыі — праглядалі інфармацыю ў Сеціве. Іх зацікавіў дзёньнік Барыса Суранава, у якім Сава і пакінуў свой камэнтар.
Праз месяц у кватэры музыкі быў зроблены ператрус, яго абвясьцілі невыязным. Разьбіральніцтва ішло год.
І вось апошнія некалькі дзён расейскі ЖЖ актыўна абмяркоўвае рашэньне сьледчага ад 22 лютага: прыцягнуць да крымінальнай адказнасьці Саву Цярэнцьева за распальваньне сацыяльнай варожасьці ў дачыненьні сацыяльнай групы — міліцыянэраў.
Гэты выпадак выклікаў хвалю бурных абмеркаваньняў. Такім чынам, па гэтым жа артыкуле, а таксама па некалькіх падобных, можна прыцягнуць да адказнасьці большую частку
Па частцы 1 артыкулу 282 КК РФ прадугледжаная адказнасьць ад штрафа да двух год зьняволеньня.
Па беларускім заканадаўстве Саве Цярэнцьеву пагражала б да трох год зьняволеньня.
Фота Securitylab.ru