Зьміцер Вайцюшкевіч ляціць скараць Японію
Скарыўшы ўсё што можна на Беларусі, Зьміцер актыўна пашырае геаграфічнае кола сваіх прыхільнікаў. Ня так даўна ён пабываў у Швэцыі, а 19 лютага выпраўляецца ў Японію. Хваляваньне беларускіх жанчын лёгка прадказаць: але да традыцыйнага канцэрту 8 сакавіка Зьміцер абяцае вярнуцца.
У Кіёта Вайцюшкевіч возьме ўдзел у двух некамэрцыйных канцэртах. На адным ён будзе хэдлайнэрам, а на другім — удзельнікам. Зьміцер будзе адзіным беларусам, нават акампанаваць яму будуць японцы, а Беларусь будзе адзінай краінай, якую прадставяць гэтым разам японцам. Вайцюшкевіч выканае песьні з «Месяцу і сонца» — перакладзеныя на беларускую мову японскія кампазыцыі, якія ўжо добра ўкараніліся на нашай глебе. Таксама Зьміцер развучвае зараз песьню і на японскай мове.
«Гэта ўвогуле вельмі хвалюючая паездка. Я ня ведаю, якой будзе рэакцыя. Я ж артыст збалаваны, прызвычаены, што мяне любяць, вызываюць на біс:) А ў Японіі я дагэтуль ніколі не выступаў,» — распавядае пра будучую вандроўку Зьміцер.
Натуральна, што мы не маглі не запытацца ў Зьмітра пра ягонае стаўленьне да японак: страшна ж выпраўляць любімага артыста аднаго ў такі далёкі шлях:
«Я мару сустрэць Ёка Она, і каб яна разваліла WZ, разваліла маё жыцьцё, і каб мяне застрэлілі, як Джона Ленана ў
якім-небудзь пад’езьдзе…»
Але потым Зьміцер прызнаўся, што марыць зьлётаць