Беларускім студэнтам на 7% павялічылі стыпэндыі
Аляксандар Лукашэнка 26 сьнежня падпісаў указ, паводле якога стыпэндыі студэнтам і навучэнцам павялічваюцца на 7%.
Інфармацыя пра магчымае падвышэньне стыпэндыяў прагучала яшчэ тыдзень таму. А ўчора ўказ быў падпісаны.
Як паведамляе Белта, памеры стыпэндыяў для студэнтаў ВНУ узрастуць на 6,6 тыс. — 10,1 тыс. і складуць ад 89,4 тыс. да 142,6 тыс. Для навучэнцаў сярэдне-спэцыяльных установаў стыпэндыі павышаюцца на 5,6 тыс. — 8,9 тыс., дзякуючы чаму іх узровень дасягне ад 75,1 тыс. да 120,1 тыс. А для навучэнцаў, якія атрымліваюць прафэсійна тэхнічную адукацыю, стыпэндыі павялічваюцца на 3,5 тыс. — 5,7 тыс. Яны складуць ад 48,3 тыс. да 77,3 тыс.
Пераразьлік будзе праведзены з 1 лістапада 2007 года.
Апошняе павелічэньне студэнцкіх стыпэндыяў было ў студзені 2007 году перад мясцовымі выбарамі — на 4,7%.