Сёньня Дзень блогаў

31 жніўня ў трэці раз стала Днём блогаў – днём, які актыўныя блогеры прысьвячаюць камунікацыям з сабе падобнымі і пошуку новых сяброў.

Аўтары ідэі Дня блогаў лічаць, што блогеры абавязкова мусяць мець хаця б адзін дзень, які можна было б прысьвяціць знаёмству са сваімі калегамі з розных краінаў сьвету і зь іншымі інтарэсамі. У гэты дзень блогеры змогуць распавесьці адзін пра аднаго сваім чытачам.

Сьвяточная інструкцыя:

• Знайдзіце 5 цікавых блогаў, пра якія вы раней ня ведалі;
• Абвясьціце іх аўтарам, што вы абралі іх блогі для сьвяткаваньня BlogDay 2007;
• Напішыце невялічкае апісаньне гэтых блогаў са спасылкаю;
• Апублікуйце BlogDay Post (31 верасьня);
• Дадайце тэг BlogDay з дапамогаю спасылкі http://technorati.com/tag/BlogDay2007 і спасылку на афіцыйны сайт BlogDay: www.blogday.org

Адзначаць Дзень блогаў было вырашана менавіта ў гэты дзень, таму што слова Blog сваім напісаньнем нагадвае лічбы 31.08.