Эўропа выдаткавала 4,5 млн. эўра на падтрымку студэнтаў ЭГУ

Эўракамісія і Рада міністраў паўночных краінаў вылучылі 4,5 млн. эўра для Эўрапейскага Гуманітарнага Ўнівэрсытэта. Адпаведная дамова была падпісаная сёньня 12 сьнежня рэктарам ЭГУ Анатолем Міхайлавым і прадстаўнікамі Эўракамісіі і Рады міністраў паўночных краін.

У інтэрв'ю БелаПАН А.Міхайлаў паведаміў, што вылучаныя сродкі прызначаныя для падтрымкі студэнтаў ЭГУ зь Беларусі. "Гэтыя грошы пойдуць на стыпэндыі беларускім студэнтам, прынятым ва ўнівэрсытэт у гэтым і мінулым годзе", - сказаў рэктар. Памер сярэдняй стыпэндыі складае каля 100 эўра. Акрамя таго, студэнтам аказваецца фінансавая дапамога на пражываньне ў інтэрнаце або арэнду кватэры.

"Вылучэнне гэтых сродкаў зьўляецца падтрымкай беларускага студэнцтва, якое апынулася пазбаўленым сваіх законных правоў на атрыманьне вольнай і прафэсійнай адукацыі ў Беларусі", - падкрэсьліў А.Міхайлаў.

У сваю чаргу генэральны сакратар Рады міністраў паўночных краінаў Пер Ункель адзначыў, што праект узнаўленьня ЭГУ ў Вільні стаў самым значным і важным з таго, што было зроблена Радай міністраў за апошнія гады паведамляе БелаПАН.