Студэнтка БДУ перамагла ў конкурсе японскай мовы ў Менску

Юля Абрагімавіч, студэнтка 4 курса факультэта міжнародных стасункаў БДУ, перамагла ў Беларускім адборачным конкурсе японскай мовы. 

У Менску такое спаборніцтва прайшло ўжо ў чацьверты раз. Яго арганізатары – Асацыяцыя выкладчыкаў японскай мовы і амбасада Японіі ў Беларусі. 

Юля будзе прадстаўляць Беларусь у заключным туры конкурсу ў Маскве, дзе зьбяруцца аматары японскай мовы з усіх краінаў СНД. Пераможца маскоўскай сустрэчы атрымае магчымасьць вандроўкі ў Токіо.