Мароз, святар і аўтаматы — фотарэпартаж з прысягі навабранцаў беларускай арміі

У марозную суботу 15 снежня ў Беларусі на вернасць Радзіме прысягалі каля 9 тысяч чалавек. Generation.by накіраваўся ў вайсковую частку, што месціцца ў Масюкоўшчыне, паглядзець на былых школьнікаў, выпускнікоў або няўдалых студэнтаў, якія сёння рытуальна сталі вайскоўцамі.

Калючая завіруха матузала шынэлі хлопцаў, якія пару месяцаў таму бесклапотна прападалі ў сацыяльных сетках. Мароз пакусваў таксама бацькоў, сяброў ды дзяўчын, якія назіралі за рытуалам аблівання вайскоўцаў праваслаўнай вадой.

У выніку чытання завучанага тэксту прысягі хлопцы атрымалі вайсковыя білеты і першыя звальненні на некалькі гадзін.