Туманнае Менскае мора напярэдадні зімы

«У нас сьнег!», «Завіруха!» — наперабой вяшчаюць фрэнда-статусы ў сацыяльных сетках. Сьнег пакуль, праўда, не па ўсёй Беларусі. Аднак на сёньня абвешчана штармавое папярэджаньне са сьнежнымі бурамі. У Менску вокны пазацягвала ледзянымі ўзорамі, а раніца адзначылася надзённымі размовамі накшталт «як завесьці машыну ў мароз?» Карацей, пакуль Менск не заваліла сьнегам, выкладаем здымкі з апошніх восеньскіх выходных — туманнае Менскае мора.