Сёньня адбудзецца суд па справе Тацяны Хома і БДЭУ

Сёньня 10 сакавіка адбудзецца суд па справе Тацяны Хома супраць БДЭУ. Выключаная студэнтка падала ў суд на свой унівэрсытэт. Судовае паседжаньне адбудзецца ў 9:15 у кабінэце 27 суда Заводзкага раёну г. Менску. Паседжаньне адкрытае - Тацяна запрашае усіх жадаючых прыйсьці і падтрымаць яе.

Дата паседжаньня некалькі разоў пераносілася зь ініцыятывы ўнівэрсытэта. І ў выніку была прызначаная на 21 сакавіка - адразу пасьля прэзыдэнцкіх выбараў. Але ў ноч на 21-е сакавіка Тацяна Хома разам зь сябрамі была затрыманая каля Кастрычніцкай плошчы. У выніку ў гэты дзёнь адбыўся іншы суд, паводле рашэньня якога, Тацяна знаходзілася 10 сутак ў спэцпрыёмніку-разьмеркавальніку на Акрэсьціна.

Адрас суда Заводзкага раёну г. Менску: праспэкт Партызанскі 75/А (300 мэтраў у бок БДЭУ ад гатэлю "Турыст", ст. м. Партызанская).