Vinsent прэзентуе альбом "Vir" – ўдумлівую і ўзважаную гісторыю з дзесяці трэкаў пра тое, што мы называем жыццём.
«Вір – гэта сімвал няспыннага руху, падзеяў вакол нас. Мне падаецца, альбом атрымаўся як той няспынны вір – хваля энергіі, якая ўсё падхопіць і панясе наперад. Што да гуку, то хацелася знайсці залатую сярэдзіну паміж эксперыментамі з электронікай і жывым традыцыйным гучаннем. Калі казаць пра тэксты, так важныя для жанру, то на альбоме большую частку займаюць развагі пра вечныя пастулаты: сілу духу і супакой, любоў і каханне, вайну і мір. Мне здаецца, што альбом мае адразу два настроі: нястрымны пазітыў і скрышальны смутак, настроі змешваюцца і ствараюць своеасаблівы вір», – распавядае пра сваю працу Vinsent.
16 снежня Vinsent з жывым складам прэзентуе новы альбом «Vir» у клубе «Пляцоўка хол» (Кастрычніцкая плошча, 1).