Міністр адукацыі абяцае «выбарнасць рэктараў ВНУ» з верасня 2015

Міхаіл Жураўкоў распавёў, што ў Беларусі плануецца ўвесці сістэму выбарнасці рэктараў ВНУ. Праграмы кандыдатаў у рэктары будуць разглядаць саветы ўніверсітэтаў і накіроўваць ў міністэрства.

БелТА апісвае са словаў Міхаіла Жураўкова працэдуру. Прадугледжваецца распрацаваць сістэму, па якой кандыдат у рэктары павінен будзе прадставіць у савет універсітэта сваю праграму дзеянняў, савет універсітэта будзе разглядаць усе праграмы кандыдатаў і лепшыя будуць зацвярджацца саветам і прадстаўляцца ў міністэрства. Кандыдаты павінны будуць распрацаваць праграму, якая будзе садзейнічаць развіццю ўніверсітэта ва ўсіх сферах, у тым ліку адукацыйнай, матэрыяльна-тэхнічнай, навуковай.

Міністр нагадаў, што Беларусь падпісала больш як 90 міжнародных дагавораў у сферы адукацыі, навукі і маладзёжнай палітыкі. Сёлета ў Ерэване адбылася канферэнцыя міністраў адукацыі дзяржаў – удзельніц Балонскага працэсу, па выніках якой Беларусь з другой спробы была прынятая ў Еўрапейскую прастору вышэйшай адукацыі ў якасці 48 удзельніка Балонскага працэсу.

Выбарнасць рэктараў – адзін з прынцыпаў Еўрапейскай прасторы вышэйшай адукацыі ў адпаведнасці з Балонскім працэсам.

Для краін – удзельніц Балонскага працэсу, якія на сучасным этапе праводзяць працэс уключэння сваёй сістэмы адукацыі ў Еўрапейскую прастору вышэйшай адукацыі, распрацоўваюцца так званыя дарожныя карты. Беларусь, па словах, Жураўкова плануе ў сувязі з гэтым удасканаліць нацыянальную сістэму кваліфікацый, сумясціўшы яе з еўрапейскай. Правесці структурныя рэформы па павышэнні ўзроўню акадэмічнай мабільнасці і г.д.