Самы вялікі міжнародны конкурс стартапаў запрашае да ўдзелу беларусаў
Пераможцы 2013 году
Get in the Ring: Investment Battle — самы буйны міжнародны конкурс стартапаў, які адбудзецц 21 лістапада ў часе Сусветнага тыдня прадпрымальніцтва. У конкурс, які аб'ядноўвае больш за 2000 праектаў з 50 краін свету, удзельнікі змагаюцца за галоўны прыз памерам да 1 000 000 еўра.
Гісторыя
Get in the Ring: Investment Battle пачаў сваё існаванне ў 2009 годзе і да 2011 года быў лакальным Еўрапейскім спаборніцтвам, якое называлася Meet the Dragons. На працягу некалькіх гадоў, конкурс набыў вялікую папулярнасць і на дадзены момант гэта глабальнае спаборніцтва, адборачныя туры якога праводзяцца ў 8 рэгіёнах: Паўночная і Паўднёвая Амерыка, Афрыка, Азія, Блізкі Усход, Паўднёвая, Усходняя і Заходняя Еўропа.
Пераможцы мінулых гадоў
- 2011 YOUCOOK (Германія) — сэрвіс, які прапануе кліентам гатовыя для падрыхтоўкі здаровыя і свежыя комплексы ежы.
- 2012 Risparmio Super (Італія) — сэрвіс для параўнання коштаў на прадукты ў звычайных і інтэрнэт крамах і падбору месца пакупак, найбольш аптымальнага для кожнага канкрэтнага спісу прадуктаў.
- 2013 EyeVerify (ЗША) — біяметрычная сістэма бяспекі, якая заснаваная на крывяным ціску бялкоў вачэй (праграма і мабільны дадатак)
Пра Get in the Ring: Investment Battle
Get in the ring: Investment Battle — новая пітчынгавая канцэпцыя, дзе 2 стартапы выступаюць адначасова на рынгу. Кожная бітва складаецца з 5 раўндаў па 50 секунд. Такім чынам, у кожнага стартапа ёсць каля 25 секунд, каб пераканаць журы ў тым, што менавіта ён павінен стаць пераможцам. Кожны раўнд праводзіцца на асобную тэму, сярод якіх каманда, дасягненні, бізнес-мадэль і рынак, фінансы і інвестыцыі, акрамя таго заключны раўнд адводзіцца на адвольную тэму. Пасля кожнага раўнда журы задае выступоўцам пытанні на працягу 5 хвілін. Па завяршэнні ўсіх пяці раўндаў аб'яўляецца пераможца «бою», які сустракаецца з трыма іншымі пераможцамі ў фінальным «бітве».
Адбор у Get in the Ring: Investment Battle
Для таго, каб стаць адным з 8 удзельнікаў Фінальнай бітвы Get in the Ring: Investment Battle неабходна прайсці 2 этапы адбору:
1 этап — Нацыянальны адбор. На дадзеным этапе будуць абраныя ад аднаго да пяці лепшых стартапов з Беларусі, якія прадставяць нашу краіну на Рэгіянальным конкурсе ў Балгарыі.
2 этап — Рэгіянальны адбор сярод стартапаў Усходняй Еўропы, пераможца якога паедзе ў Ратэрдам на фінальную бітву.
Шэсць прычынаў паўдзельнічаць
- пашырыць кола знаёмстваў
- атрымаць парады ад экспертаў сусветнага ўзроўню
- пазнаёміць інвестараў з праектам
- знайсці новых сябраў у каманду
- пазнаёміцца з аднадумцамі
- стаць крыніцай натхнення для гледачоў
Першы этап
Кожны год для правядзення Нацыянальных конкурсаў Эрасмус цэнтр па падтрымцы прадпрымальніцтва выбірае арганізацыю, якая праводзіць лакальны адбор каманд. У 2014 годзе такой арганізацыяй стала кансалтынгавая кампанія Civitta, якая з'яўляецца вядучай незалежнай кансалтынгавай кампаніяй у Цэнтральнай і Усходняй Еўропе. Civitta актыўна працуе са стартапам ва ўсіх рэгіёнах, дапамагаючы пачаткоўцам прадпрымальнікам на ўсіх стадыях працы над праектам: пачынаючы са стадыі фармавання канцэпцыі да прыцягнення інвестыцый.
У рамках конкурсу задача кампаніі даць магчымасць беларускім стартапам паўдзельнічаць у міжнародным і атрымаць магчымасць атрымаць інвестыцыі для свайго праекта. Адбор заявак будзе адкрыты да 20 верасня 2014 года, а вынікі будуць абвешчаныя 15 Кастрычніцка 2014.
Для падачы заяўкі на ўдзел праект павінен адпавядаць наступным крытэрам:
- стартапу павінна быць менш за 5 гадоў
- ўдзельнікі каманды павінны свабодна гаварыць па-ангельску
- памер неабходных інвестыцый павінен быць да 1.000.000 еўра
- ідэя павінна быць інавацыйнай і маштабавацца
Падачы заявак на ўдзел адбываецца тут.
- Пры адборы ўдзельнікаў будуць ўлічвацца наступныя крытэрыі:
- вопыт і кваліфікацыя удзельнікаў каманды
- дасягненні каманды
- ідэя / мадэль
- перспектыўнасць праекта і яго прыбытковасць (самы важны крытэр)
Па ўсіх пытаннях адказ беларусам дадуць па электронным адрасе: nataliya.tarasevich@civitta.by