ЕГУ запрашае беларускіх студэнтаў і выпускнікоў ВНУ на калоквіўм

Еўрапейскі гуманітарны універсітэт запрашае студэнтаў старэйшых курсаў і выпускнікоў беларускіх ВНУ прыняць удзел у магістэрскім калоквіўме, які адбудзецца ў Вільні 26-28 чэрвеня 2014 г.

Удзельнікі калоквіўму змогуць  пазнаёміцца са зместам магістэрскіх праграм у ЕГУ, а таксама даведацца пра прафесійныя перспектывы выпускнікоў гэтых праграм. 

Праграма калоквіума складаецца з прэзентацый даследванняў, майстар-класаў і круглых сталоў. Падчас мерапрыемства пройдзе майстар-клас па падрыхтоўцы даследчыцкіх праэктаў, а таксама ўдзельнікі пазнаёмяцца з кіраўнікамі і выкладчыкамі магістэрскіх праграм у ЕГУ. У праграму ўключаны і культурніцкія мерапрыемствы. З больш падрабязным зместам калоквіума для кожнай з праграм можна пазнаёміцца па спасылцы. 

Рэгістрацыя для ўдзелу ў мерапрыемстве адбываецца да 19 траўня (для тых, каму трэба візавая падтрымка) і да 10 чэрвеня (для тых, каму віза непатрэбна). Зарэгістравацца можна па спасылцы  http://goo.gl/kmKu5r

Еўрапеўскі гуманітарны універсітэт пакрывае выдаткі на дарогу, пражыванне і харчаванне для ўдзельнікаў мерапрыемства.