Названыя 12 лепшых беларускіх кніг, што выйшлі ў 2013 годзе
27 сакавіка журы вызначыла доўгі спіс прэміі імя Ежы Гедройца.
У спіс ўвайшлі наступныя аўтары і кнігі:
- Уладзіслаў Ахроменка. Музы і свінні. — Мінск: “Каўчэг”, 2013.
- Ігар Бабкоў. Хвілінка: Тры гісторыі. — Мінск: “Логвінаў”, 2013.
- Алена Брава. Дараванне. Прощение. Vergebung. — Мінск: “Звязда”, 2013.
- Сяргей Вераціла. Разбітае сэрца Вітаўта. — Мінск: “Мастацкая літаратура”, 2013.
- Адам Глобус. Казкі для дарослых. — Мінск: “Логвінаў”, 2013.
- Сяргей Дубавец. Errata. — Мінск: “Логвінаў”, 2013.
- Артур Клінаў. Шклатара. — Мінск: “Логвінаў”, 2013.
- Аляксандр Лукашук. Зкімбы-зымбы. — Мінск: “Кнігазбор”, 2013.
- Вінцэсь Мудроў. Багун. — Полацк: “Полацкае ляда”, 2013.
- Кацярына Оаро. Сарочае радыё. — Мінск: “Кнігазбор”, 2013.
- Людміла Рублеўская. Ночы на Плябанскіх млынах. — Мінск: “Мастацкая літаратура”, 2013.
- Наталка Харытанюк. Смерць лесбіянкі. — Мінск: “Логвінаў”, 2013.
Кароткі спіс будзе вызначаны ў сярэдзіне траўня. Да яго абвяшчэння ў кнігарні «логвінаЎ» пройдуць прэзентацыі ўсіх кніг з доўгага спісу, паведамляе прэс-служба Беларускага ПЭН-цэнтра.
У журы прэміі сёлета ўвайшлі: з беларускага боку — Валянцін Акудовіч, Уладзімір Арлоў, Альгерд Бахарэвіч, Барыс Пятровіч, Андрэй Хадановіч, Ціхан Чарнякевіч, з польскага боку — Малгажата Бухалік, Адам Паморскі. Ганаровы старшыня журы — Лешак Шарэпка, надзвычайны і паўнамоцны амбасадар Рэспублікі Польшча ў Рэспубліцы Беларусь.