Міністэрства адукацыі сёння выдаліла Акадэмію Кіравання з рэйтынгу беларускіх ВНУ

Першы рэйтынг ВНУ Беларусі прыцягнуў вялікую ўвагу і ўжо трапіў у скандал. Акадэмія кіравання пры прэзідэнце Рэспублікі Беларусь, што стаяла ўчора ў канцы рэйтынгу, які быў складзены Міністэрствам адукацыі па выніках уступнай кампаніі 2013, сёння зусім знікла з спісу.

У апублікаваным учора рэйтынгу, Акадэмія знаходзілася на 36-м месцы. Такая пазіцыя сталічнай ВНУ, якую прынята лічыць прэстыжнай, выклікала шматлікія дыскусіі ў Сеціве.

Цяпер на сайце Міністэрства адукацыі з’явіўся адноўлены файл з рэйтынгам беларускіх ВНУ — у ім толькі 47 навучальных установаў, замест 48-мі. Апошнія змены ў файл былі ўнесеныя 10 студзеня ў 9.28 раніцы.

Пры складанні рэйтынгу Міністэрства адукацыі ўлічвала шэраг значэнняў, якія загадзя паставілі ўстановы адукацыі ў няроўныя ўмовы. Напрыклад, у формулу ўваходзіць колькасць абітурыентаў, прынятых на бюджэт, у гэтым параметры недзяржаўныя ВНУ адразу прайграюць дзяржаўным. Колькасць залічаных замежных грамадзян у некаторых ВНУ таксама абмяжоўваецца спецыфікай і не можа быць высокай.

Ніякіх паведамленняў на сайце Міністэрства адукацыі пра змены ў рэйтынгу на дадзены момант няма.