У БДУ будзе залічана ня менш як 1825 студэнтаў

Ня меней 1825 студэнтаў на дзённую форму навучаньня па 49 спэцыяльнасьцях плянуе залічыць на першы курс Беларускі дзяржаўны ўнівэрсытэт.

Для бюджэтнікаў-завочнікаў тут зарэзарвавана 450 месцаў на першых курсах па 21 спэцыяльнасьці.

Прыёмная камісія БДУ будзе прымаць сэртыфікаты цэнтралізаванага тэставаньня, праведзенага ў 2003 годзе. Пераможцы міжнародных алімпіядаў праведзеных пры ўдзеле Міністэрства адукацыі нашай краіны, пры паступленьні на адпаведныя спэцыяльнасьці будуць залічаныя ў БДУ без іспытаў.